اشعار انور العبدلي

مدري علامي عجزت اصد وانساها
حاولت لكن عجزت انسى وصايفها
تزعل عليه واحاول ديـم رضاهـا
اخالف الناس لكن صعب اخالفهـا
من دون وعيي كذا مجنون وياهـا
تصد عني وانـا قلبـي موالفهـا
احاول انسى ولكن طيـف ذكراهـا
لاجيت ابي انسى يذكرني مواقفهـا
يسرح خيالي بدون شعور والقاهـا
واغيب عن واقعي واسمع سوالفها
اسقي بخيالي مشاعر ظاميه ماهـا
اروي ظماها واجدد عهـد سالفهـا
و لصوره خيالي عاد واحياها
احس فيهـا تلاطفنـي والاطفهـا
وامسك يدين تضم الروح برضاهـا
رغم الجفا هاليدين البيض عارفهـا
عيت تفارق عيوني رغـم فرقاهـا
من كثر شوقي كأني تـو شايفهـا
ياليتنـي قـادرٍ للهجـر واجفاهـا
لكـن بلايه عجـزت انسـى وصايفهـا